Da 14 hradusaŭ marozu i sa śnieham. Jakoje budzie nadvorje na vychadnych?
U kaladnyja vychadnyja ŭ Biełarusi zachavajecca zimovaje nadvorje, pra heta paviedamlajuć «Minsk-Naviny» sa spasyłkaj na Biełhidramiet.
7 studzienia nadvorje sfarmiruje chałodnaja niaŭstojlivaja pavietranaja masa. Apadki ŭ vyhladzie karotkačasovaha śniehu vypaduć na bolšaj častcy Biełarusi ŭ načny čas i zachavajucca dniom na poŭnačy krainy. Mahčyma słabaja zavirucha, na darohach — hałalodzica, viecier budzie zachodni paryvisty.
Unačy minimalnaja tempieratura ad -4°S pa paŭdniovym zachadzie da -13°S pa poŭnačy Biełarusi. Dniom da 6 hradusaŭ marozu.
U subotu 8 studzienia na praciahu sutak budzie pieravažna biez apadkaŭ, nievialiki karotkačasovy śnieh prahnazujecca tolki nočču i ranicaj u asobnych rajonach Viciebskaj vobłaści.
Unačy ŭ roznych abłaściach Biełarusi sinoptyki abiacajuć da —4…—10°S z pachaładańniem pry prajaśnieńniach da —11…—14°S. Dzionnaja tempieratura pavietra budzie vahacca ŭ miežach 0…—5°S.
Miescami čakajecca słaby tuman.
U niadzielu 9 studzienia na bolšaj častcy terytoryi krainy vypadzie śnieh, pa paŭdniovym uschodzie mahčyma słabaja miacielica.
Načnaja tempieratura pavietra składzie —4…—9°S, pry prajaśnieńniach apuścicca da —11°S. Dniom trochi paciapleje - da 0 … —6 ° S.
Na asobnych učastkach daroh čakajecca hałalodzica.
