«Hetaki kalektyŭny prezident». Ułady raspaviali, kaho chočuć uklučać u skład Usiebiełaruskaha narodnaha schoda
Kiraŭnik Administracyi Łukašenki Ihar Siarhiejenka raspavioŭ ab papraŭkach u Kanstytucyju, jakija prapanuje ŭłada. U pryvatnaści ab Usiebiełaruskim narodnym schodzie.
Prezidyum Usiebiełaruskaha narodnaha schoda 2021 hoda. Skrynšot z teletranślacyi.
«Samo žyćcio padyšło da taho, kab nadać kanstytucyjny status hetamu najvyšejšamu orhanu narodaŭładździa. Heta najvyšejšy pradstaŭničy orhan siońnia stanovicca», — adznačyŭ jon u efiry ANT.
U skład Usiebiełaruskaha narodnaha schoda zmoža ŭvachodzić da 1200 čałaviek.
«Miarkujecca, što na VNS buduć abiracca kiraŭniki i sudździ Viarchoŭnaha suda, členy Centralnaj vybarčaj kamisii. Hetaki kalektyŭny prezident, jaki nadzialajecca dosyć šyrokimi paŭnamoctvami.
Rašeńni UNS buduć źjaŭlacca abaviazkovymi dla słužbovych asob i dziaržaŭnych orhanaŭ», — padkreśliŭ Siarhiejenka.
Jon dadaŭ, što kala 60% vybarščykaŭ hatovyja iści na refierendum.