Za abrazu Jarmošynaj dali dva hady siabru jaje syna, ź jakim jany razam pracavali ŭ prakuratury
Dva dni tamu da dvuch hod kałonii prysudzili byłoha rabotnika Hienieralnaj prakuratury Alaksandra Mikałajeva. Jaho sudzili pa niekalki artykułach Kryminalnaha Kodeksa: abraza pradstaŭnika ŭłady (art. 369), abraza prezidenta (art. 368), abraza sudździ (art. 391).
Mikałajeva sudzili ŭ tym liku za abrazy Jarmošynaj, a ŭ raparcie siłavikoŭ skrynšoty sa staronki ŭ Fejsbuku, pa vialikim rachunku, pryśviačalisia joj.
Mikałajeŭ davaŭ vostryja charaktarystyki asobie Jarmošynaj i vinavaciŭ jaje ŭ tym, što jana zabaraniała synu «žyć mužčynam» i pryvodzić u dom dziaŭčat.
Skrynšot ź milicejskaha videa
Ale ŭ hetaj historyi jość zajmalnaja detal: Alaksandr Mikałajeŭ byŭ u ciesnym siabroŭstvie z synam Jarmošynaj, advakatam Alaksiejem Jarmošynym, jaki pamior pry nieviadomych abstavinach u 2017-m, u 40 hod.
Jany razam uzdymalisia pa karjernaj leśvicy, i ŭ prakuratury Centralnaha rajona pracavali ŭ adnym kabiniecie.
Takim čynam, za abrazu Jarmošynaj sudzili siabra jaje pakojnaha syna.
Čytajcie taksama: Pavieł Vinahradaŭ napisaŭ tekst na vypadak svajho zatrymańnia, dzie raspavioŭ, čym dapamahčy jamu i siamji
