10 kaladnych filmaŭ, jakija varta pahladzieć u śviaty
«Naša Niva» sabrała dla vas padborku najlepšych kaladnych filmaŭ usich časoŭ na luby hust, jakija zrobiać śviatočnyja viečary bolš utulnymi.
«Hetaje cudoŭnaje žyćcio» (1946), ZŠA, drama, fentezi
Amierykanski kazačny film ad režysiora Frenka Kapry. Jon unikalnym čynam sumiaściŭ pryziemlenuju, časta niepryvabnuju štodzionnaść realnaha žyćcia ź jaje adviečnymi prablemami i pobytavaj biazładzicaj z čaroŭnym adčuvańniem kazki i niepieramožnym, chaj i trochi naiŭnym, aptymizmam.
Hałoŭny hieroj Džordž Bejli, žychar nievialikaha pravincyjnaha miastečka, nastolki zasmučany nieźličonymi prablemami i doŭham pierad miascovym bankiram, što padumvaje ab samahubstvie napiaredadni Kaladaŭ. Jamu źjaŭlajecca anioł, jaki dapamahaje ŭbačyć, jakoje, nasamreč, važnaje jaho žyćcio.
«Cud na 34-aj vulicy» (1994), ZŠA, fentezi, režysior Łes Mejfiłd
Vy nie praličyciesia, vyrašyŭšy pahladzieć hetaje bieśśmiarotnaje kaladnaje kino pra mužčynu, jaki śćviardžaje, byccam by jon sapraŭdny Santa-Kłaŭs.
Maleńkija dzieci ščyra vierać u cudy i zaŭsiody z zamirańniem serca čakajuć samaha čaroŭnaha śviata ŭ hodzie. A šaścihadovaja Siuzan, u jakoj niama taty, nie vieryć, što Santa-Kłaŭs sapraŭdny čaraŭnik. Ale cud adbyvajecca paśla sustrečy z Santa-Kłaŭsam u bujnym ńju-jorkskim univiermahu «Koŭł».
«Ščaŭkunok i čatyry karaleŭstvy» (2018), ZŠA, pryhody, fentezi, režysiory— Łase Chalstrom i Džo Džonstan
Niepatrabavalnaje «siezonnaje» kino, źniataje śpiecyjalna da siezonnych śviat. Kazačnyja miełodyi Čajkoŭskaha, hihanckija jołki, bali i hurby śniehu ź lohkaściu zaradžajuć patrebnym nastrojem.
Atrymaŭšy niezvyčajny padarunak na Kalady, junaja Kłara adpraŭlajecca ŭ zachaplalnaje padarožža pa zahadkavych miaścinach. Ale dziaŭčynie treba patrapić i ŭ čaćviortaje karaleŭstva, dzie joj daviadziecca sutyknucca z cełaj armijaj myšej na čale ź nievierahodna niebiaśpiečnym Myšynym Karalom.
«Dziaŭčaty» (1961), SSSR, kamiedyja, mieładrama
Saviecki mastacki film, źniaty na kinastudyi «Maśfilm» u 1961 hodzie Juryjem Čulukinym.
U sibirski pasiołak pryjechała junaja kucharka Tosia Kiślicyna — naiŭnaja i ekscentryčnaja dziaŭčyna. Jana sunie svoj nos va ŭsie spravy, kožnamu imkniecca dapamahčy. Miascovy pryhažun Illa, paspračaŭšysia na Tosiu, zavodzić ź joj raman, jaki supravadžajecca masaj kamičnych situacyj…
I ŭsio heta pad Novy hod!
«Čaradziei» (1982), SSSR, kamiedyja, miuzikł
Navahodniaja muzyčna-kamiedyjnaja dvuchsieryjnaja kinakazka režysiora Kanstancina Brombierha.
Navahodniaja historyja ab tym, što sapraŭdnaje kachańnie moža tvaryć cudy. U instytucie «NUINU» (navukovy ŭniviersalny instytut niezvyčajnych pasłuh) kipić burnaja praca pa vyrabie čaroŭnaj pałački. Prezientacyja pryznačanaja na 31 śniežnia, u navahodni viečar. Ale tut u spravu ŭstupajuć supierniki dyrektara instytuta, jakija pieraśledujuć svaje mety…
«Paŭnočny viecier» (2021), Rasija, drama
Mastacki film režysiorki Renaty Litvinavaj. Stužka «Paŭnočny viecier» — pra čaraŭnictva i dzivosny śviet žančyn, jakija žyvuć u Paŭnočnym poli i marać ab sapraŭdnym kachańni. U matryjarchalnaha kłana Paŭnočnych paloŭ jość tradycyja. Kožny Novy hod usia siamja na čale z Marharytaj źbirajecca razam, kab apoŭnačy dačakacca 13-ha ŭdaru hadzińnika, spalić papieru z napisanym na joj žadańniem i vypić popieł razam z šampanskim.
Adno z takich śviat zapuskaje łancužok padziej, jakija pryviaduć da niepaźbiežnaha zaniapadu kłana.
«Krampus»(2015), ZŠA, žachi, kamiedyja, drama
Da dobrych dziaciej prychodzić Dzied Maroz, da drennych i tych, chto nie vieryć u Dzieda Maroza — Krampus. Och, i dastaniecca harezam ad hetaha złydnia. Amierykanski film žachaŭ režysiora Majkła Dohierci — heta historyja pra demana, jaki padčas Kaladaŭ vyšukvaje niepasłuchmianych dziaciej, kab pakarać ich.
«Kramka za roham» (1940), ZŠA, drama, kamiedyja
Kłasičnaja kaladnaja ramantyčnaja kamiedyja Ernsta Lubiča. Režysior pakazvaje ŭ filmie kiraŭnika nievialikaj budapiešckaj kramy padarunkaŭ Alfreda, jaki spračajecca z pradaŭščycaj hetaj ža kramy, simpatyčnaj dziaŭčynaj Kłaraj.
Abodva jany maładyja, samotnyja, i abodva sprabujuć znajści svajo ščaście pa abjavach u haziecie. I jon, i jana zaviazvajuć pierapisku ź nieviadomymi partniorami. Kožny ź ich začaravany, i kožny spadziajecca na ramantyčnuju sustreču ŭ kaladny viečar, jaki pavinien vyrašyć ich los.
«Załataja moładź» (1989), ZŠA, drama, kamiedyja
Hieroi debiutnaha filma Uita Ściłmana, bahaciei i «karali žyćcia» ź Vierchniaha Ist-Sajda, biaśpiečna skakali pa Manchetanie 1980-ch, pakul da ich u kampaniju nie začasaŭsia junak z «niapravilnaha» boku Centralnaha parka.
«Pryvitańnie siamji» (2005), ZŠA, ramantyka, kamiedyja
Film źniaty režysioram Tomasam Bezučam, z halivudskimi zorkami pieršaj vieličyni ŭ hałoŭnych rolach.
U svaje sorak hadoŭ Evieret Stoŭn jašče nie žanaty. Ale voś adnojčy jon pryvozić na kaladnuju siamiejnuju sustreču svaju dziaŭčynu Meredyt, ź jakoj źbirajecca ažanicca.
Siamja Stounaŭ adroźnivajecca šyrokimi pohladami i słavicca svaim uzajemarazumieńniem. Ale na hety raz jany naadrez admaŭlajucca pryniać novaha čałavieka ŭ svajo koła. Upeŭnienyja, što Mieredyt zusim nie para Evieretu, jany kateharyčna suprać hetaha šlubu. Para adčajna imkniecca naładzić adnosiny, ale usio robicca jašče horš. Ci atrymajecca ŭ zakachanych zastacca razam i pry hetym zachavać ciopłyja adnosiny sa svajakami?
