Makiej raskazaŭ pra niejkija tajemnyja sustrečy ŭ Stakholmie, ab jakich prasili nie paviedamlać
Ministr zamiežnych spraŭ Uładzimir Makiej na palach pasiadžeńnia Rady ministraŭ zamiežnych spraŭ ABSIE ŭ Stakholmie pravioŭ šerah mižnarodnych sustreč, ab častcy ź jakich pa prośbie zamiežnych kaleh nie paviedamlali. Pra heta jon raskazaŭ u intervju BT-1.
«U mianie adbyŭsia šerah sustreč z maimi kalehami, pra ich paviedamlena aficyjna i na sajcie Ministerstva zamiežnych spraŭ. Bolšaja pałova sustreč prajšła za začynienymi dźviaryma, i pra ich my nie paviedamlali, tamu što kalehi paprasili, kab jany zastavalisia, skažam, kanfidencyjalnymi. Takaja demakratyja ŭ ich razumieńni, takaja svaboda vykazvańnia mierkavańnia ŭ ich razumieńni, kali aścierahajucca sustreč praz toje, što buduć padvierhnutyja astrakizmu ŭ svaich srodkach masavaj infarmacyi i ŭ svaim hramadskim mierkavańni», — skazaŭ ministr.
«Ale, tym nie mienš, hetyja sustrečy adbylisia. Jakraz hetyja sustrečy źjaŭlajucca bolš pakazalnymi. Toje, što hučyć aficyjna na padobnaha rodu publičnych pasiadžeńniach, — heta adno, a ŭ kułuarach, viadoma ž, kalehi vykazvajuć mierkavańnie ab tym, što treba ŭsim spynicca i ŭžo dumać nad tym, jak spynić dalejšaje nahniatańnie napružanaści i dalejšaje raskručvańnie śpirali, źviazanaj z eskałacyjaj situacyi», — zajaviŭ kiraŭnik MZS.
