Mieziencaŭ: Adkazam na sankcyi suprać Minska stanie pahłybleńnie ekanamičnaj intehracyi Biełarusi i Rasii
Novyja sankcyi Zachadu ŭ dačynieńni da Biełarusi pryviaduć da pahłybleńnia intehracyi i ekanamičnaha supracoŭnictva pamiž Maskvoj i Minskam. Pra heta zajaviŭ žurnalistam u piatnicu dziaržsakratar Sajuznaj dziaržavy Dźmitryj Mieziencaŭ, piša TASS.
TASS
«Adkaz na hetyja sankcyi — heta vialikaja zhurtavanaść Rasii i Biełarusi, pradmietnaja, dziejsnaja praca pa vykanańni rašeńniaŭ prezidentaŭ (Biełarusi i RF) pa ekanamičnaj intehracyi», — adznačyŭ jon.
«Pierakanany ŭ tym, što ŭzajemadziejańnie, jakoje siońnia pakazvajuć abodva baki ŭ ekanamičnym płanie, dazvolić zabiaśpiečyć ustojlivaść nacyjanalnaj ekanomiki brackaj krainy», — skazaŭ dziaržsakratar.
U jakaści adnaho z prykładaŭ takoj padtrymki z boku Rasii jon nazvaŭ padpisany pratakoł ab canie na haz na nastupny hod — «lhotny, što harantuje pastaŭki ŭ Respubliku Biełaruś».
«Viadoma, pry hetym my pavinny havaryć ab farmavańni adzinych vytvorčych łancužkoŭ, ab sychodzie ad vypadkaŭ niepatrebnaj kankurencyi pry vytvorčaści pradukcyi, pavinny ŭvažliva pahladzieć na mahčymaści na novych rynkach dla našaj sumiesnaj pradukcyi», — adznačyŭ dziaržsakratar Sajuznaj dziaržavy.
