«Jak pryčoska Borysa Džonsana». Brytancy žartujuć i aburajucca z nahody hałoŭnaj jołki krainy FOTY
Brytanskija karystalniki sacsietak atrymali novy abjekt dla złych kpinaŭ: hałoŭnaja kaladnaja jołka krainy, pa tradycyi pryviezienaja z Narviehii i ŭstalavanaja na Trafalharskaj płoščy ŭ Łondanie, sioleta niepryhožaja i kasabokaja.
Adny karystalniki cikaviacca, kudy padziełasia astatniaja častka jołki, inšyja pytajucca, chto i čym pakryŭdziŭ Narviehiju, paviedamlaje Bi-Bi-si.
Adzin karystalnik vykazaŭ zdahadku, što jołku padstryh asabisty cyrulnik Borysa Džonsana (premjer-ministr da niadaŭniaha času zaŭsiody chadziŭ uskudłačanym).
PA Media
Aficyjny akaŭnt kaladnaj jołki na Trafalharskaj płoščy, jaki viadzie rada łondanskaha rajona Vestminster, adžartavaŭsia: «Chaču ŭsim paviedamić, što pałova halinak u mianie nie adsutničaje, jany prosta zachoŭvajuć sacyjalnuju dystancyju».
The Trafalgar Square Christmas tree has arrived. Does anyone know what happened to the rest of it? @NorwayinUKpic.twitter.com/MTi9Wf2GvN
Padstavaj dla złasłoŭja kaladnaja jołka na Trafalharskaj płoščy stanovicca rehularna. U pazaminułym hodzie, naprykład, brytancy hetak ža žartavali nad kasabokaściu čarhovaha padarunka z Narviehii.
I would like everyone to know that half of my branches are not missing..... they are #SocialDistancing. Remember to #StaySafe this #Christmas and wear a face covering (unless exempt) on public transport and while inside shops #TrafalgarTree
Rada Viestminstera i narviežcy adkazvajuć, što jełka vyšynioj bolš 20 mietraŭ z sapraŭdnaha lesu i nie moža być takoj ža ščylnaj i puchnataj, jak maleńkija, śpiecyjalna vyraščanyja kaladnyja jołki.
Build Back Branches #TrafalgarTreepic.twitter.com/no2IIdVBBu
Jołku na Trafalharskuju płošču kožny hod z 1947 hoda dasyłaje Łondanu narviežskaja stalica Osła — na znak padziaki za dapamohu ŭ baraćbie z nacysckaj akupacyjaj.
