ZŠA, Kanada i Brytanija ŭviali novyja sankcyi suprać Biełarusi
Złučanyja Štaty ŭviali novyja sankcyi suprać Biełarusi, paviedamlajecca na sajcie Minfina ZŠA.
Abmiežavańni zakranuli 20 čałaviek, 12 arhanizacyj i try samaloty.
- AAT «Biełaruskaja kalijnaja kampanija»,
- AAT «Transavijaekspart»,
- ZTAA «Słaŭkalij»,
- ZAT «Biełtechekspart»,
- AAT «Ahat — elektramiechaničny zavod»,
- AAT «140 ramontny zavod»,
- AAT «Kidma tek»,
- TAA «HardSiervis»,
- AAT «Pielenh»,
- Respublikanskaje abjadnańnie «Prezidencki spartyŭny kłub»,
- Dziaržaŭnaje pradpryjemstva «Centrkurort».
Taksama ŭ sankcyjny śpis trapili kiraŭnik Dziaržpahrankamiteta Anatol Łapo, namieśnik ministra MUS Dźmitryj Karziuk, Dzianis Čamadanaŭ, muž byłoj pres-sakratarki MUS Volhi Čamadanavaj, načalnik HUBAZiK Andrej Paršyn, jaho namieśnik Michaił Biedunkievič, a taksama člen Savieta Respubliki Dźmitryj Baskaŭ i Dźmitryj Łukašenka, staršynia savieta Prezidenckaha spartyŭnaha kłuba i člen NAK.
Pra sankcyi suprać Biełarusi taksama abviaścili Vialikabrytanija i Kanada.
U brytanskim sankcyjnym śpisie — «Biełaruśkalij», a taksama supracoŭniki dziaržaŭnych ŚMI Ryhor Azaronak, Ludmiła Hładkaja i prakuror Alina Kaśjančyk, kiraŭnik HUBAZiK Andrej Paršyn, sudździa Natalla Buhuk. Taksama tudy patrapili Mukavozčyk, Kryvašejeŭ i Azaronak.