Pad Salihorskam sutyknulisia lehkavik i rejsavy aŭtobus, dvuch čałaviek pryjšłosia debłakavać
Zdareńnie adbyłosia ranicaj 2 śniežnia kala vioski Miaciavičy Salihorskaha rajona. Padraździaleńniam MNS stała viadoma, što adbyłosia sutyknieńnie lehkavoha aŭtamabila Audi Q7 i rejsavaha aŭtobusa MAZ.
112.by
Dapamoha patrabavałasia zacisnutym u kabinie aŭtobusa kiroŭcu i maładomu čałavieku. Padabracca da ludziej nie było mahčymaści, raskazali ratavalniki. Tamu adrazu z dapamohaj labiodki adciahnuli Audi.
Zatym pieršym vyzvalili maładoha čałavieka, jaki znachodziŭsia sprava ad kiroŭcy. Jaho nohi byli zacisnutyja panellu aŭtobusa i siadzieńniem. Dla debłakiroŭki kiroŭcy taksama byŭ vykarystany hidraŭličny instrumient. Mužčyna byŭ u prytomnaści, jaho tvar byŭ mocna paškodžany, a nohi prycisnutyja rulavoj kałonkaj i panellu. Abodva vyratavanyja byli pieradadzienyja bryhadzie chutkaj miedycynskaj dapamohi.
Taksama ŭ vyniku zdareńnia paciarpieŭ kiroŭca Audi.
