Palitźniavolenuju Volhu Kłaskoŭskuju pieraviali z kałonii ŭ SIZA pa novaj kryminalnaj spravie
Maci palitźniavolenaj Volhi Kłaskoŭskaj paviedamiła, što ŭ hetyja vychadnyja jaje dačku etapavali z homielskaj žanočaj kałonii ŭ brescki SIZA-7. Pieraviali žančynu dla praviadzieńnia śledčych dziejańniaŭ pa novaj kryminalnaj spravie.
Spravu zaviali pavodle art. 369 KK za kamientaryj u sacyjalnych sietkach, u jakim Volha nibyta abraziła milicyjanta z Bresta. Hety kamientaryj byŭ raźmieščany jašče da jaje aryštu, paviedamlajuć pravabaroncy.
Maci Volhi kaža, što dačka drenna siabie adčuvaje. Zrok paharšajecca: pierad vačami mutna i lotajuć «moški». Volha ŭžo pačała lačeńnie i pje vitaminy.
Za ŭvieś čac Kłaskoŭskuju nieadnarazova zakidvali ŭ karcar i ŭ pamiaškańnie kamiernaha typu. Z-za drennych umovaŭ utrymańnia da palitźniavolenaj viarnulisia staryja chvaroby: acioki noh, boli ŭ pazvanočniku i ŭ hałavie.
Baćkam z sakavika admaŭlajuć u spatkańniach z dačkoj. Akramia hetaha, pieršuju pieradaču ŭ kałoniju ŭ ich atrymałasia pieradać tolki ŭ lipieni, a druhuju pierad etapam u Brest vysłali pasyłkaj.
22 śniežnia 2020 hoda Volhu asudzili da 2 hadoŭ kałonii pa č. 1 art. 342 Kryminalnaha Kodeksa za pierakryćcio ruchu transpartu ŭ Sierabrancy ŭ Minsku.
***
SIZA-7, 224030, h. Brest, vuł. Savieckich pamiežnikaŭ, 37, Kłaskoŭskaj Volzie Alaksandraŭnie.