HUBAZiK ab płanach apazicyi na refierendum: Padbuchtorščykaŭ izalujem i pryciahniem da adkaznaści
Lidary apazicyi stvarali ŭmovy dla niepryznańnia Zachadam vynikaŭ refierendumu pa Kanstytucyi. Takoje mierkavańnie vykazaŭ načalnik adździeła HUBAZiK MUS Viačasłaŭ Arłoŭski ŭ prapahandysckim telešou na STB.
«My vyśvietlili, što lidary apazicyi, jakija źbiehli za miažu, stavili dla siabie zadaču stvaryć umovy dla niepryznańnia zachodnimi krainami vynikaŭ refierendumu pa Kanstytucyi. Dla realizacyi hetaj zadačy jany abmiarkoŭvali roznyja varyjanty: ad bajkotu da stvareńnia pravakacyj na ŭčastkach dla zryvu hałasavańnia. Pa vyniku ŭsich svaich abmierkavańniaŭ, z ulikam ryzyk dla vykanaŭcaŭ, jany ŭ hety momant pryniali adzinuju stratehiju — zryŭ hałasavańnia šlacham masavaha ŭkidu niesapraŭdnych biuleteniaŭ», — adznačyŭ jon.
«Usie padbuchtorščyki da ździajśnieńnia padobnych antydziaržaŭnych dziejańniaŭ, što znachodziacca ŭ krainie, i ich aktyŭnyja pamahatyja buduć nami izalavanyja i pryciahnutyja da adkaznaści», — pahražaje siłavik.