Polšča sa žniŭnia 2020 hoda pryniała 20 tysiač biełarusaŭ
Pra heta na siońniašnim bryfinhu zajaviła aficyjny pradstaŭnik Pahraničnaj achovy Polščy Hanna Michalska, piša reform.by.
«Polšča ŭžo akazała dapamohu 20 tysiačam biełaruskich apazicyjanieraŭ, jakija byli represavanyja na terytoryi Biełarusi», — skazała jana ŭ adkaz na pytańnie, kolki biełarusaŭ źviartalisia pa mižnarodnuju dapamohu.
Michalska nie ŭdakładniła, ab jakoj mienavita dapamozie idzie havorka: vydača humanitarnych viz, pradastaŭleńnie prytułku, propusk praź miažu.
U kancy vieraśnia prezident Polščy Andžej Duda zajaŭlaŭ, što ŭ jaho krainie kala 150 tysiač biełarusaŭ atrymali prytułak i pracu. Pavodle infarmacyi MZS krainy, sa žniŭnia 2020 hoda pa žnivień 2021 hoda było vydadziena 12 tysiač humanitarnych viz.
Pavodle źviestak Jeŭrastata, za 2020 hod pieršy vid na žycharstva ŭ krainach ES atrymali bolš za 63,5 tysiačy hramadzian Biełarusi, u tym liku 50,9 tys. čałaviek u Polščy i kala 7,5 tysiačy — u Litvie.
Bolšaść mihrantaŭ chočuć prytułak u Hiermanii. A kolki biełarusaŭ, što paciarpieli ad represij, zmahli jaho atrymać?
