«Kali biez roźnicy, kamu adnieści hrošy za manikiur, možna padtrymać biełarusa». Źjaviłasia karta biełaruskaha biznesu za miažoj
Za apošni hod davoli šmat biełarusaŭ pierajechała ŭ susiednija krainy. Mnohija z ich adkryli abo praciahnuli tam svoj biznes. Kab suajčyńniki mahli padtrymać ziemlakoŭ, vałanciory raspracavali sajt BY_MAPKA — heta karta biełaruskaha biźniesu za miažoj.
Aŭtaram idei BY_MAPKA stała Alina Koŭšyk, a ŭžo samu kartu stvaryŭ vałancior Alaksiej, jaki źjechaŭ ź Biełarusi ŭ žniŭni biahučaha hoda. Hałoŭnaja ideja prajekta — padtrymać biełarusaŭ, što robiać svaju spravu za miažoj.
«Biełarusy jak dyjaspara, jak ludzi, jakija hatovyja padtrymlivać adzin adnaho, sfarmavalisia tolki ź minułaha hoda. Žadańnie padtrymlivać adzin adnaho jość, a mahčymaści daviedacca jak heta rabić, nie było, tamu zrabili taki prajekt, — kaža chłopiec. — Kali ty źjazdžaješ za miažu, z adnaho boku, tabie vielmi chočacca padtrymać svaich ziemlakoŭ, a z druhoha boku, atrymać harantavana jakasny servis. Biełaruskija majstry ŭ roznych krainach na vahu zołata.
Naprykład, u Hruzii biełaruski majstar pa manikiury abo elektryk pracuje značna lepš, čym miascovyja. A byvaje i tak, što roźnicy asablivaj niama, kamu adnieści kapiejčynu za toj ža manikiur, tamu možna padtrymać biełarusa».
Sistema pracuje prosta. Kali niejki biełarus, što akazvaje pasłuhi za miažoj, choča dadacca na kartu, jon moža prosta zapoŭnić formu. Tady jaho kantakty źjaviacca na sajcie. Zusim nie abaviazkova być palituciekačom, dastatkova taho, što ty biełarus.
Ciapier na karcie bolš za sto adrasoŭ biznesu ŭ roznych krainach śvietu. U Polščy — 63, u Hruzii — 15, va Ukrainie —13. U astatnich krainach — 8. Heta Aŭstralija, Irłandyja, Italija, Litva, Słavienija, ZŠA i Čechija.
«Śfiery, jakija pieravažajuć u Polščy, — heta pasłuhi cyrulnikaŭ, vizažystaŭ, pryhatavańnie ježy i hetak dalej, — havoryć małady čałaviek. — U Hruzii raŭnamiernaje raźmierkavańnie pamiž charčavańniem, pasłuhami psichołahaŭ, prodažam adzieńnia. Va Ukrainie, naprykład, šmat daktaroŭ», — raskazvaje jon.
Praŭda, Alaksiej adznačaje, što stvaralniki prajekta niečakana sustyknulisia ź ciažkaściami — stracham samich biełarusaŭ.
«Šmat chto baicca prosta dadavacca na kartu. Ludzi ličać, što kali jany dadaducca i skažuć, što jany mohuć akazać jakija-niebudź pasłuhi, to heta ŭžo złačynstva, — havoryć chłopiec. — Niahledziačy navat na toje, što jany znachodziacca ŭ inšaj krainie, dzie zakony pa pradprymalnictvie zusim łajalnyja. U Hruzii, naprykład, vielmi prostaje padatkovaje zakanadaŭstva dla indyvidualnych pradprymalnikaŭ.
U Biełarusi, kali ty robiš jakuju-niebudź pamyłku ŭ biznesie, ciabie čakaje vialiki štraf abo administracyjnaja, kryminalnaja adkaznaść. Zakanadaŭstva ŭ Hruzii, jak i mnohich inšych krainach, dazvalaje vypraŭlać pamyłki i jany nie imknucca za heta pakarać».
Čytajcie taksama:
Raskazvajem niejmaviernuju historyju kachańnia dvuch biełarusaŭ: padpolnaja drukarnia, viarboŭka KDB, SIZA, pabieh za miažu praz chałodnuju rečku
«Rasceńvaju jak šaniec pahladzieć Jeŭropu». Namieśnik dyrektara ź Biarozy pra vymušany adjezd u Polšču i pracu dalnabojščykam
«Znajomy puściŭ pažyć u dom baćki ŭ abmien na dapamohu ŭ daśledavańni». Jak biełaruski navukoviec akazaŭsia ŭ litoŭskaj vioscy
