Pačaŭsia Advient. Jak jaho pravodziać ludzi ŭ roznych krainach?
Vianki, śviečy i kalendary. Heta pieršyja asacyjacyi z Advientam pa ŭsim chryścijanskim śviecie. Ale što mienavita značyć Advient i jak jaho pravodziać ludzi ŭ roznych krainach śvietu, raskazvaje CNN.
Fota z Pixabay.com
Słova «Advient» pachodzić z łacinskaha adventus — prychod, źjaŭleńnie.
Dla chryścijan — heta pačatak duchoŭnaha hoda, i jaho śviatkujuć za čatyry tydni da Rastva, uzhadvajučy adnačasova pra ziamnoje naradžeńnie Isusa i pra čakańnie jaho druhoha prychodu.
Sioleta Advient pačaŭsia ŭ niadzielu, 28 listapada. Kožnaja z čatyroch niadziel pryśviačajecca asobnaj duchoŭnaj temie, i chryścijanie zvyčajna kožnuju niadzielu da Rastva zapalvajuć pa adnoj z čatyroch śviečak na śviatočnym vianku.
Jak i ŭsio ŭ hetym śviecie, tradycyi Advienta roźniacca ad krainy da krainy.
Kitaj
Heta, vidać, zusim nie pieršaja kraina, jakaja prychodzić na rozum, kali zhadvaješ chryścijanski śviet. Ale 5% žycharoŭ Kitaja — chryścijanie, a heta prykładna 44 miljony čałaviek. Jak piać Biełarusiaŭ. I ŭ ich jość svaje tradycyi.
Padčas Advienta ludzi ŭ Kitai azdablajuć svaje damy lichtarykami z kalarovaj papiery, a na vokny viešajuć vyrazanyja z čyrvonaj papiery pahady.
Taksama pierad Rastvom tam pryniata razdavać jabłyki, zahornutyja ŭ kalarovuju papieru.
Fota z Pixabay.com
Charvatyja
U hetaj bałkanskaj krainie kala 86% ludziej — katoliki, i Advient u krainie — vialikaja padzieja. Dla charvataŭ padrychtoŭka da Rastva pačynajecca jašče da Advienta, u dzień Śviatoj Kaciaryny, što śviatkujecca 25 listapada.
U pieršuju niadzielu Advienta zahrabčanie zvyčajna iduć na haradski kirmaš, dzie ŭ draŭlanych šapikach pradajucca samarobnyja suvieniry, smažanyja kaštany i vino sa śpiecyjami.
A ŭžo na Kućciu charvaty hatujuć bakałar (typ sušanaj traski) — tradycyja suški i zasołki hetaj paŭnočnaj ryby vielmi daŭniaja, dziakujučy joj charvaty mahli pryvozić dadomu hetuju dziŭnuju rybu z paŭnočnaj Atłantyki.
Fota z Pixabay.con
Mieksika
Adna z samych viadomych cyrymonij Advienta ŭ Mieksicy — Las Posadas, ci «šynki». Heta 9-dzionnaje śviatkavańnie, z 16 da 24 śniežnia, padčas jakoha zhadvajecca padarožža Maryi i Jazepa.
Štoviečar pa haradach i vioskach Mieksiki chodzić pracesija dziaciej, na čale jakoj idzie dzicia ŭ vobrazie anioła. Dzieci stukajucca ŭ damy, haspadary ich častujuć, ale simvalična nie zapuskajuć usiaredzinu.
Brytanija
U brytancaŭ jość šmat dobrych starych tradycyj dla času pierad pierad Rastvom, ale adna nie takaja ŭžo i staraja tradycyja (u Anhlii jana źjaviłasia ŭ 1960-yja) nabiraje ciapier papularnaść za miažoj. Heta kryścinhł — słužba, padčas jakoj zapalvajuć śviečki ŭ apielsinach, azdoblenych čyrvonaj papieraj i cukierkami. Sami śviečki ŭ apielsinach taksama nazyvajuć kryścinhłami, a słužby z takimi śviečkami słužać uvieś Advient i na ich časta źbirajucca hrošy na dabračynnyja dziciačyja prajekty.
Niamieččyna
Siemji ŭ Niamieččynie źbirajucca štoniadzieli la vianka z čatyrma śviečkami i, zapalvajučy čarhovuju śviečku, śpiavajuć kaladki.
Znakamity štolen, fruktovy piroh — heta adzin z samych starych kaladnych pačastunkaŭ niemcaŭ. Haspadary taksama vykładvajuć admysłovyja piačeńki na kaladny vianok dy častujuć imi haściej.
Fota z Pixabay.com
Vuhorščyna
Kaladny vianok sa viečkami, advient-kalandar z šakaładkami i ranišnija malitvy — voś jak rychtujucca vuhorcy da Rastva.
Ranišnija malitvy jašče nazyvajuć Imšoj aniołaŭ ci Załatoj imšoj.
Kłasičny pačastunak u vuhorcaŭ na čas Advientu — bejhli, rulet z načynkaj z maku ci hareškaŭ.
