Łukašenka pryjechaŭ u Minabarony abmiarkoŭvać pytańni biaśpieki
Alaksandr Łukašenka siońnia pravodzić naradu ŭ Ministerstvie abarony na temu vajennaj biaśpieki, piša BiełTA.
BiełTA
«Sabralisia my siońnia, kab abmierkavać aktualnyja pytańni, źviazanyja z nacyjanalnaj biaśpiekaj našaj krainy. … Ja chaču, kab prysutnyja tut zasvoili adnu reč: aŭtanomna, niezaležna ad taho, što razhortvajecca ŭ Čarnamorskim basiejnie, ad pytańniaŭ, źviazanych z Ukrainaj, Polščaj i krainami Bałtyi, razhladać situacyju vakoł Biełarusi nielha. My źviano u hetym ahulnym łancuhu», — padkreśliŭ Alaksandr Łukašenka.
Taksama jon zakranuŭ i apošnija padziei na miažy, u pryvatnaści, trup kala litoŭskaj miažy
«U hetym mihracyjnym kryzisie miarzotniki dajšli da zabojstva ludziej. Učora nočču padkinuli trup na našu miažu, siońnia nočču jašče adzin trup znajšli. Toj ža počyrk. U spalny miašok zašpilvajuć miortvaha ci, moža, amal niežyvoha čałavieka, vykidvajuć na miažu. Pamiežniki znachodziać — užo niežyvy. Učora znajšli traich čałaviek, nakolki ja infarmavany, na chutary pamiežniki. Kali znajšli trup, ubačyli try miachi jašče spalnyja. Pačali pošuk», — raspavioŭ jon.
Jamu dałažyŭ pra heta staršynia Dziaržpahrankamiteta Anatol Łapo. Mihrantaŭ znajšli ŭ zakinutaj chatie, i jany ŭžo nie mahli iści. «Paŭźli. Niekalki socień mietraŭ prapaŭźli, znajšli chatu. Napeŭna, užo i miascovyja žychary dapamahli — piečku rastapić, — skazaŭ Łukašenka. — Jašče adna noč, i treba było b amputavać nohi, kali b žyvych znajšli. Heta na litoŭskaj miažy».
