Uładalnik aeraporta niamieckaha Lubieka arhanizavaŭ punkt pryščapleńnia z ułasnaj vakcynaj ad karanavirusa
Niamieckaja palicyja zakryła nielehalny punkt vakcynacyi ad karanavirusa, jaki raźmiaščaŭsia ŭ aeraporcie horada Lubiek, paviedamlaje Welt.
Akcyja pa vakcynacyi niezarehistravanym preparatam ad COVID-19 była spynienaja 27 listapada. Pavodle padlikaŭ pravaachoŭnych orhanaŭ, pryščapicca ŭ aeraporcie źbiralisia bolš za 200 čałaviek. Da prybyćcia palicyi zrabić pryščepku paśpieli 50 čałaviek. Palicyjanty kanfiskavali ŭzory vakcyny, vykarystanyja šprycy i śpisy vakcynavanych, a taksama pierapisali asabistyja źviestki prysutnych.
Stvaralnikam preparata źjaŭlajecca niamiecki biznesmien i miedyk Vinfryd Štekier, jakomu naležyć aeraport Lubieka. Jon samastojna raspracavaŭ ułasnuju vakcynu ad karanavirusa viasnoj 2020 hoda, adnak nie zdoleŭ jaje zarehistravać.
Pry hetym inšyja daktary paćviardžali efiektyŭnaść vakcyny Štekiera i vyjavili antycieły ŭ dobraachvotnikaŭ, jakija vyprabavali hety preparat.
