Praŭładny analityk abvinavaciŭ u mihracyjnym kryzisie na biełaruska-polskaj miažy ŭkraincaŭ
Siarod zatrymanych u Polščy pieravozčykaŭ mihrantaŭ kidajucca ŭ vočy hramadzianie Ukrainy. Takoje mierkavańnie ŭ svaim Telegram-kanale apublikavaŭ praŭładny palityčny analityk Juryj Šaŭcoŭ.
«Prahladaju polskuju aficyjnuju zvodku: dźvie sproby praryvu za noč pa niekalki dziasiatkaŭ čałaviek kožnaja. Zatrymanyja niekalki kurjeraŭ, jakija sprabavali vyvieźci biežancaŭ, što prabralisia ŭ Polšču, u Niamieččynu. Znoŭ niekalki hramadzian Ukrainy. Hramadzianie Ukrainy naohuł kidajucca ŭ vočy siarod zatrymanych kurjeraŭ. Palaki ich biaruć praktyčna kožny dzień», — adznačyŭ kamientatar.
Juryj Šaŭcoŭ nie vyklučaje, što ŭkrainskaja arhanizavanaja złačynnaść stała važnym kanałam trafiku biežancaŭ ad biełaruskaj miažy ŭ Hiermaniju.
«U ich svoj trafik ad ukrainskaj miažy praz Polšču vielmi prykmietny. Kali jany padklučylisia i da trafiku ad biełaruskaj miažy, heta značyć, što ŭkrainskija mahčymaści ŭ Polščy i Hiermanii dla trafiku pavinny zaraz rezka vyraści. Heta značyć, što treba źviarnuć uvahu na ŭkrainska-polskuju miažu», — padkreśliŭ praŭładny palityčny kamientatar.