Mahiloŭskaha akciora Viačasłava Sikoru abviaścili ŭ mižnarodny vyšuk
Jaho abvinavačvajuć u «raspalvańni sacyjalnaj varožaści», abrazie Łukašenki i siłavikoŭ.
Pavodle viersii Śledčaha kamiteta, sa žniŭnia pa vierasień minułaha hoda Viačasłaŭ Sikora na svaich staronkach u sacsietkach publikavaŭ videaroliki, nakiravanyja na raspalvańnie varožaści.
U ich akcior, pavodle SK, abražaŭ Łukašenku i siłavikoŭ, a taksama zaklikaŭ da dziejańniaŭ, jakija hruba parušajuć hramadski paradak, i niepadparadkavańnia orhanam ułady.
Mahiloŭski akcior i režysior Viačasłaŭ Sikora skončyŭ Horackuju sielskahaspadarčuju akademiju, dzie ŭznačalvaŭ arhanizacyju praŭładnaha sajuza moładzi. Paźniej jon pracavaŭ u Polščy na razborcy mašyn, u teatrach Maskvy, Minska i Mahilova, na radyjo, stvaraŭ dakumientalnyja stužki, pracavaŭ dyrektaram Doma kultury Skidzielskaha cukrovaha kambinata, piedahoham dadatkovaj adukacyi ŭ Ščučynie, adkul jaho zvolnili napiaredadni vybaraŭ, piša «Radyjo Svaboda».
U Ščučynie Viačasłaŭ razam ź siabram stvaryŭ muziej SSSR, teatralnuju i kinastudyju. Sa śpiektaklami ŭdzielničaŭ u roznych fiestyvalach i byŭ ich łaŭreatam.
Viačasłaŭ Sikora ŭdzielničaŭ u paślavybarnych pratestach i asudžaŭ hvałt siłavikoŭ. Praz pahrozu kryminalnaha pieraśledu jon pakinuŭ Biełaruś.
