Łukašenka zajaviŭ, što Biełaruś zastaniecca prezidenckaj respublikaj. A Usienarodny schod — dla padstrachoŭki
Siońnia Łukašenka ŭziaŭ udzieł u sumiesnym pasiadžeńni Kanstytucyjnaj kamisii i rabočaj hrupy pa dapracoŭcy prajekta Kanstytucyi. Jon pierakanany ŭ nieabchodnaści zamacavać status Usiebiełaruskaha narodnaha schodu, piša BiełTA.
Jon padkreśliŭ, što «Usiebiełaruski narodny schod dla Biełarusi - heta nie novy orhan. «Jon prosta prosicca ŭ Kanstytucyju. I tut sprava nie ŭ asobach. Asabliva padkreślivaju: nijakich kankretnych asobaŭ u Kanstytucyi być nie pavinna. Nijakuju Kanstytucyju Łukašenka pad siabie nie robić».
Pry hetym Biełaruś zastaniecca prezidenckaj respublikaj, źviarnuŭ uvahu Alaksandr Łukašenka.
«Tak my abaronim asnovy dziaržaŭnaści. Zachavajem i zamacujem pierajemnaść svajho histaryčnaha dośviedu, — adznačyŭ jon. - Ale davajcie budziem ščyryja, i ja publična pra heta siońnia skažu: usio budzie zaležać ad taho, jaki prezident pryjdzie na źmienu hetamu prezidentu. Tamu my padstrachoŭvajemsia Usiebiełaruskim narodnym schodam. Vy bačycie, što lahčej i spakajniej vakoł nas nie stała».
