Babrujčaninu z chvarobaj Parkinsona dazvolili zabrać zaradnuju pryładu da niejrastymulatara i viarnuli ŭ izalatar
Asudžanaha na «sutki» 38-hadovaha babrujčanina Siarhieja Bialajeva, jaki maje chvarobu Parkinsona i jakomu ŭžyŭleny niejrastymulatar, milicyjanty pryvieźli dadomu, kab jon zabraŭ zaradnuju pryładu, i znoŭ advieźli ŭ izalatar.
Nahadajem, zaradki ŭ niejrastymulatary zastavałasia na ličanyja dni, i kali jaho nie padzaradzić, to heta mahło vyklikać pahrozu zdaroŭju i žyćciu Siarhieja. Pra heta «Svabodzie» raskazała znajomaja Siarhieja.
«Napiaredadni prajšła infarmacyja,što ŭ jaho zakančvajecca zarad niejrastymulatara. Chłopcy, jakija siadzieli ź im, telefanavali svajakam i znajomym, prasili pieradać, što ŭ jaho zakančvajecca zaradka i što jaho nie adpuskajuć ź IČU.
Mahčyma, paŭpłyvała infarmacyja ŭ ŚMI albo jon sam niejak zajaŭlaŭ, ale ŭčora jaho pryvieźli dadomu, kab uziać nieabchodnuju pryładu. Jakraz u hety čas doma była maci. Pahutaryć jamu z mamaj nie dali, ale zaradku jon hetuju zabraŭ. Tamu siońnia, jak my dumajem, jon užo pa-za zonaj ryzyki».
Babrujčanina z chvarobaj Parkinsona i ŭžyŭlenym niejrastymulataram zatrymali na 10 sutak
