Alijeŭ i Pašynian sustrenucca ŭ Bruseli ŭ śniežni
Premjer-ministr Armienii Nikoł Pašynian i prezident Azierbajdžana Ilcham Alijeŭ damovilisia ab tym, što stvorać liniju suviazi pamiž ministrami abarony, kab praduchilać vypadki abvastreńnia kanfliktu. Pra heta havorycca ŭ publikacyi na sajcie Jeŭrarady pavodle vynikaŭ telefonnych pieramoŭ prezidenta arhanizacyi Šarla Mišela z uładami dźviuch krain, paviedamlaje RBK.
Lidary pryniali zaprašeńnie prezidenta Jeŭrapiejskaj rady sustrecca na samicie Uschodniaha partniorstva, jaki projdzie ŭ Bruseli 15 śniežnia. Jany abmiarkujuć situacyju ŭ rehijonie i šlachi baraćby z napružanaściu, kab zabiaśpiečyć stabilnaść na Paŭdniovym Kaŭkazie, hetaje vynikaje z paviedamleńnia.
16 listapada la ŭschodnich miežaŭ Armienii i Azierbajdžana ŭ rajonie hary Cycernakar pačalisia bajavyja dziejańni z vykarystańniem braniatechniki i artyleryi. Bai prachodzili ŭzdoŭž usioj paŭdniova-ŭschodniaj miažy Armienii. Kala adnaho z najbujniejšych haradoŭ Siunickaj vobłaści Armienii Horysa byli čutny vybuchi. Zahinuŭ adzin vajskoviec Armienii, jašče 13 trapili ŭ pałon, jak paviedamlała Minabarony Armienii. Na baku Azierbajdžana padčas bajoŭ zahinuli siem čałaviek i jašče dziesiać atrymali ranieńni, paviedamili ŭ pasolstvie Azierbajdžana ŭ Maskvie.
