«Vydalili z-za majoj hramadzianskaj pazicyi». Alaksandra Patlisa pieradumali zaprašać na kancert pamiaci Mulavina
Śpiavak Alaksandr Patlis byŭ zaprošany vystupić na kancercie ŭ pamiać pra Mulavina, jaki płanujecca ŭ studzieni ŭ fiłarmonii. Ale niekalki dzion tamu daviedaŭsia, što z palityčnych pryčyn jaho vykraślili z prahramy.
Fota ź instahrama Alaksandra Patlisa
«Mianie vydalili z-za majoj hramadzianskaj i palityčnaj pazicyi. Chacieŭ vykanać pieśniu «Malitva», — padzialiŭsia śpiavak u instahramie.
Jon raspavioŭ «Našaj Nivie», što zaprašeńnie na kancert atrymaŭ ad siabroŭ-muzykantaŭ. A kali lažaŭ u balnicy z karanavirusam, jany pieratelefanavali i raspaviali pra situacyju.
«Ale pieśniu ja praśpiavaju. Bo pytańnie nie ŭ placoŭcy, a ŭ maim staŭleńni da vialikaha muzyki i pavazie da jaho tvorčaści. Z aŭtaram muzyki «Malitvy» Aleham Moŭčanam, jaki ŭžo pakinuŭ naš śviet, u mianie byli dobryja adnosiny», — kaža Alaksandr.
Jon płanuje vykanać pieśniu i vykłaści jaje ŭ instahram.
