U Viciebsku zatrymali Barysa Chamajdu
Milicyja zabiraje ŭ jaho biełaruskija knihi, jakija jon raspaŭsiudžvaŭ kala tak zvanaha «siniaha doma».
U rajadździele milicyi Čyhunačnaha rajona najstarejšamu viciebskamu apazicyjanieru paviedamili, što buduć praviarać vydańni na «ekstremizm». Zatrymańnie adbyłosia kala poŭdnia ŭ centry Viciebska kala doma №28 pa vulicy Lenina. Na tym samym miescy, kudy raspaŭsiudnik biełaruskaha druku prychodzić štodnia, piša «Novy čas».
Na dumku Barysa Chamajdy, usio robicca dla taho, kab jon nie vychodziŭ da ludziej i nie prapahandavaŭ biełaruščynu:
— Na pačatku zabirali simvoliku, bieł-čyrvona-bieły parason. I narešcie ja dačakaŭsia: zabirajuć biełaruskamoŭnuju litaraturu. Kažuć, što ŭ joj nibyta jość fašystoŭskaja simvolika, i knihi zabirajuć dla vyvučeńnia. Ja pytajusia, ci doŭha buduć vyvučać. Adkazvajuć, što budzie niejkaja ekśpiertyza, moža, miesiac, moža, paŭhoda, moža, hod.
