Biełtelekam paviedamlaje pra ciažkaści z dostupam u internet da resursaŭ «zachodniaha» siehmienta. Mahčyma, vinavatyja mihranty
«U suviazi z paškodžańniem kabiela ŭ kirunku partniora ŭ Polščy mahčymyja ciažkaści z dostupam u internet da resursaŭ «zachodniaha» siehmienta. Prosim prabačeńnia za pryčynienyja niazručnaści», — havorycca ŭ paviedamleńni.
Prablemy z mahistralnym internet-kanałam u bok Polščy pačalisia paśla biesparadkaŭ na pamiežnym pierachodzie ŭ Bruzhach. Pra heta Reform.by paviedamili krynicy ŭ halinie. Paškodžany mahistralny kanał Biełastok — Hrodna mižnarodnaha mahistralnaha apieratara suviazi RETN
«Kamanda avaryjnaha adnaŭleńnia nie moža atrymać dostup da miesca mierkavanaha paškodžańnia. Detali i novyja terminy adnaŭleńnia ŭdakładniajucca», — takoje paviedamleńnie atrymali klijenty ad RETN.
Reč u tym, kabiel prakładzieny ŭ rajonie pahranpierachodaŭ Bruzhi — Kuźnica i dostup da jaho ŭ biahučaj situacyi niemahčymy mienavita ŭ hetym rajonie. Vidavočna, techničnyja prablemy źviazanyja z uźnikłymi na miažy biesparadkami.
Nie vyklučana, što prablema zaklučajecca nie tolki ŭ tym, što ramontnaja bryhada nie moža patrapić da miesca paškodžańnia, ale i pryčynaj paškodžańnia mahli stać sami ŭdzielniki biesparadkaŭ. BT u toj dzień viało pramuju tranślacyju ź miesca padziej i na kadrach u rajonie 18:00 vidavočcy zaŭvažyli dym z kałodziežaŭ, praź jakija ažyćciaŭlajecca dostup da kabielu. Reform.by nie ŭdałosia paćvierdzić hetuju infarmacyju.