Biełaruskaje miedźviedziania adpravili na reabilitacyju ŭ Rumyniju
Žyviolinu znajšli biez mamy-miadźviedzicy.
«Na momant vyjaŭleńnia miedźviedziania pobač ź im śladoŭ miadźviedzicy nie było vyjaŭlena. Uličvajučy bijałohiju nazvanaha vidu žyvioły (miadźviedzi samastojna mohuć žyć va ŭzroście ad 2 hadoŭ), było pryniata rašeńnie ab nieabchodnaści adłovu miedźviedziania i akazańnia jamu dapamohi», - havorycca ŭ paviedamleńni Minpryrody.
Spačatku žyviołu pieradali ŭ Minski zaapark na časovaje ŭtrymańnie. Ale z-za taho, što dadzienaja žyvioła ŭklučanaja ŭ Čyrvonuju knihu, to ŭ Minpryrody šukała ŭstanovy, jakija b mahli pryniać miedźviedziania na reabilitacyju, kab paśla viarnuć u dzikaje asiarodździe.
Na zaklik adhuknuŭsia rumynski centr dla miadźviedziaŭ-sirot «Bear Again» (Rumynija). 17 listapada miedźviedziania było vypuščana na terytoryi centra dla prachodžańnia dalejšaj reabilitacyi. Płanujecca, što praz dva hady žyvioła vierniecca ŭ Biełaruś.
