Ad karanavirusa pamior hienierał Mikałaj Łapacik, jaki 20 hadoŭ tamu raskazaŭ pra «eskadrony śmierci»
Učora pamior hienierał Mikałaj Łapacik, były kiraŭnik Hałoŭnaha ŭpraŭleńnia kryminalnaj milicyi.
Mienavita jon napisaŭ rapart pra «eskadrony śmierci» ŭ Biełarusi ŭ 2000-m hodzie. Paśla hetaha jaho adpravili ŭ adstaŭku.
Pra śmierć hienierała Łapacika napisała ŭ svaim fejsbuku Iryna Chalip.
«Učora ŭ vajskovym špitali ad karanavirusa pamior hienierał Łapacik. Ciapierašnija dvaccacihadovyja, mahčyma, i nie viedajuć, što byŭ taki milicejski hienierał, kolišni načalnik kryminalnaj milicyi MUS Biełarusi Mikałaj Łapacik. Heta dziakujučy jaho rapartu dvaccać hadoŭ tamu my daviedalisia pra rasstrelny pistalet, jaki vydavaŭsia napiaredadni vykradańniaŭ apanientaŭ Łukašenki, i pra eskadron śmierci.
Potym Łapacika chutka adpravili ŭ adstaŭku, ale pakinuli ŭ žyvych. I da ŭčorašniaha dnia jon cicha žyŭ za vysokim płotam dačy ŭ poŭnym maŭčańni.
Jašče adzin čałaviek, jaki viedaŭ usio, syšoŭ.
Spačyvajcie ź miram hienierał. I ŭsio-taki darma vy tady dali zarok maŭčańnia. Zrešty, ciapier heta ŭžo nie maje značeńnia», — napisała jana.
