Siryjskaha 19-hadovaha chłopca pachavali prosta la polska-biełaruskaj miažy
Cieła Achmieda Al Chasada było znojdzieny 19 kastryčnika na polskim boku miažy. Chutčej za ŭsio jon patanuŭ. 15 listapada jaho pachavali — ale nie na radzimie, a la samaj miažy, u maleńkaj polskaj vioscy Bahoniki pa musulmanskaj tradycyi, paviedamlaje Fakt.
19-hadovy siryjec byŭ pachavany ŭ Bahonikach. Fota: Jakub Kamiński / East News
Achmieda Al Chasada pachavali musulmanie vioski Bahoniki (tatary) na musulmanskich mohiłkach ‒ amal praź miesiac paśla śmierci, u trunie, chacia pa musulmanskaj tradycyi čałavieka treba pachavać, zaharnuŭšy cieła ŭ savan, jak maha chutčej paśla śmierci. Rytualnyja pasłuhi apłaciła pryvatnaja rytualnaja kantora.
U tuju zonu miažy, lasistuju miascovaść, dzie zahinuŭ Achmied, źjazžajucca tysiačy mihrantaŭ.
Pa aficyjnych dannych, z abodvuch bakoŭ miažy ŭžo znojdziena jak minimum 11 cieł pamierłych mihrantaŭ za apošnija miesiacy, 8 ź ich byli vyjaŭlenyja na polskim baku.
Častka cieł pieradadzienaja svajakam, častka ŭsio jašče znachodzicca na terytoryi Polščy.
«Voś u mianie jość zvarotny kvitok». Adkul i jak mihranty laciać u Minsk
«Bracie moj, klanusia Boham, jość navina, što … adkryjuć adzin bok». Što raspaviadajuć pra šlach na Zachad mihranty, jakija iduć tudy i jakija dajšli
