Barel: ES nie puścić nivodnaha mihranta z terytoryi Biełarusi
Jeŭrasajuz nie prapuścić z terytoryi Biełarusi nivodnaha mihranta, ale jany nie pavinny zahinuć, im treba dać humanitarnuju dapamohu i repatryjavać, piša TASS.
AP
Pra heta zajaviŭ u paniadziełak viarchoŭny pradstaŭnik ES pa zamiežnych spravach i palitycy biaśpieki Žazep Barel na pres-kanfierencyi pa vynikach pasiadžeńnia Rady ES u Brusieli i sustrečy ministraŭ zamiežnych spraŭ ES i krain prahramy «Uschodniaha partniorstva».
Barel taksama paviedamiŭ, što ŭ niadzielu abmierkavaŭ hetyja pytańni z kiraŭnikom MZS Biełarusi Uładzimiram Makiejem, jaki kateharyčna adchiliŭ abvinavačvańni ES na adras Minska ŭ arhanizacyi patoku mihrantaŭ u Jeŭrasajuz.
«ES nie zmoža ŭpuścić nikoha ź ich. Ale jany nie pavinny pamirać u lesie. Biełaruski bok pavinien dazvolić dostup dla pradastaŭleńnia im humanitarnaj dapamohi i repatryjavać ich», - skazaŭ Barel. Pa jaho słovach, Polšča ŭžo hatovaja akazać hetuju dapamohu mihrantam.
«Ujezd u ES nie źjaŭlajecca svabodnym, dla hetaha nieabchodna vykonvać usie jurydyčnyja kryteryi, u tym liku mieć vizu, usie inšyja raspaŭsiudžvanyja źviestki [ab pravie na ŭjezd] niepraŭdzivyja», - skazaŭ Barel
Łukašenka i Mierkiel pahavaryli pa telefonie
