Piensijanierka z Vaŭkavyska pieraviała 54 tysiačy dalaraŭ na vykup zatrymanaha «kanadca»
62-hadovaja biełaruska paznajomiłasia ŭ internecie z čałaviekam, jaki zajaviŭ, što žyvie ŭ Kanadzie. Nieznajomy paabiacaŭ pryjechać da kachanaj u Biełaruś. Skončyłasia hetaja historyja tym, što žančyna pieraviała za miažu $54 tysiačy, paviedamlaje USK Haradzienskaj vobłaści.
Piensijaniercy z Vaŭkavyska napisaŭ niejki kanadziec «z ruskaj kryvioju». Mužčyna zajaviŭ, što chacieŭ jaje ŭbačyć i adpraviŭsia ŭ Kijeŭ, dzie ŭ aeraporcie byŭ zatrymany. Kab jaho adpuścili, nibyta treba było zapłacić bujny štraf.
Dla vyzvaleńnia žančyna zrabiła niekalki mižnarodnych pieravodaŭ. Usiaho było dzieviać tranzakcyj, žančyna straciła $54 tysiačy.
Dzieci sprabavali pierakanać žančynu ŭ tym, što pieravodzić hrošy za miažu nielha. U milicyju ŭ vyniku źviarnuŭsia syn paciarpiełaj. Zaviali kryminalnuju spravu pa č. 4 art. 209 (machlarstva, ździejśnienaje ŭ asabliva bujnym pamiery) KK RB.
