Ministr abarony Vialikabrytanii: Vialikabrytanija musić być hatovaja da vajny z Rasijaj
Ministr abarony Vialikabrytanii Nik Karter kaža, što pahroza Rasii va Ŭschodniaj Jeŭropie vyrasła, ale jon nie ličyć, što Rasija zachoča sapraŭdnaj vajny, paviedamlaje Guardian.
Fota z Depositphotos.com
Ministr abarony Vialikabrytanii, jaki praź miesiac pakidaje post, papiaredžvaje, što NATA musić być hatovaje da vajny z Rasijaj, chacia nie dumaje, što Pucin choča mienavita fizičnaha kanfliktu. Za tyja vosiem hod, jakija Karter zajmaje pasadu ministra, pahroza z boku Rasii ŭ rehijonie surjozna vyrasła.
Liz Tras, ministr zamiežnych spraŭ Brytanii, prasiła na hetych vychodnych Pucina ŭmiašacca ŭ «haniebny štučna stvorany mihrancki kryzis» na miažy Biełarusi i Polščy.
Były ahient MI6 (sakretnaja vyviedka pry Ministerstvie zamiežnych spraŭ Brytanii) Krystafier Ściłzajaviŭ niadaŭna, što kiraŭnictva Rasii ličyć, nibyta jany ŭ stanie vajny z Brytanijaj i jaje sajuźnikami.
Kamientujučy hetuju zajavu, Karter skazaŭ, što jon u cełym zhodny z apisańniem situacyi.
«Pytańnie, viadoma, u tym, što razumieć pad vajnoj, i ja jak žaŭnier razumieŭ by chutčej pad słovam vajna — sapraŭdny boj ci sutyknieńnie, ale nie dumaju, što jany [Maskva] chočuć hetaha. Dumaju, jany chočuć pasprabavać damahčysia svaich metaŭ bolš tonkim šlacham».
Karter patłumačyŭ BBC, što značyć hibrydnaja hulnia z boku Rasii: jany dezynfarmujuć ludziej, a heta ŭ svaju čarhu destabilizuje situacyju.
I vypadak ź mihrantami, jakich šturchajuć pierajści miažu ź ES — kłasičny prykład takoj hulni.
Novaje abvastreńnie na miažy: što nie tak z arhumientami łukašenkaŭcaŭ?
Niebiaśpiečny kryzis na Bałkanach: jašče adna mahčymaść novaj vajny
