Sioleta vałchvy ŭ Italii paniasuć maleńkamu Iisusu padarunki i svaje kavidnyja pašparty
Štohod pierad Rastvom u Nieapali majstry horadu vyrablajuć vialikuju ekspazicyju — historyju Božaha Naradžeńnia. Kožnaha razu jana inšaja — majstry ŭličvajuć źmienlivyja realii śvietu i dadajuć ich u scenki Rastva. Sioleta try vałchvy, što iduć pakłanicca maleńkamu Isusu, buduć mieć pry sabie zołata, ładan, śmirnu, a taksama kavidnyja siertyfikaty, piša Reuters.
Skrynšot z videa Reuters
Letaś, Maryja, Jazep i vałchvy Baltasar, Haspar i Mielchijor byli ŭ miedycynskich maskach.
Sioleta vałchvy, jakija iduć zdalok za zorkaj Rastva, buduć trymać u rukach svaje «zialonyja pašparty» — siertyfikaty, nieabchodnyja ŭ Italii dla mižharodnich padarožžaŭ i dla taho, kab naviedvać kulturnyja imprezy.
Taki propusk vydajecca, kali čałaviek atrymaŭ chacia b adnu dozu pryščepki, maje admoŭny PCR-test ci tolki što pierachvareŭ na karanavirus.
«Pakolki vieščuny prajšli daloki šlach z-za mora, ja vydaŭ kožnamu ź ich pa zialonym pašparcie», — kaža Feryńjo, adzin z majstroŭ z histaryčnaha centra Nieapala.
Stvareńnie scenak Rastva stała asobnym vidam mastactva ŭ Nieapali jašče ŭ časy baroka, i bolšaść žycharoŭ horadu vystaŭlajuć takija viartepy ŭ siabie na voknach pierad Kaladami.
U Litvie dla školnikaŭ uviaduć «pašparty mahčymaściaŭ» i maski. Z nastupnaha tydnia źmieny zakranuć i darosłych
