Minčanka aryhinalna pavinšavała mamu, jakaja pracuje na Kamaroŭcy. Rolik staŭ virusnym VIDEA
Usiaho za adzin dzień heta videa pahladzieli bolš dvuch miljonaŭ razoŭ. Na im dačka adnoj z rabotnic Kamaroŭskaha rynku vinšuje mamu z dniom naradžeńnia.
Mabyć, vialiki miadźviedź tancavaŭ ź joj tak pałymiana, što narod nie zmoh pakinuć heta biez uvahi. Onliner.by spytaŭ u viadučaha akaŭnta «Baba Raja», što heta było.
- Pradaviec ź miasnych šerahaŭ adznačała dzień naradžeńnia. Žančynu zavuć Alena, jana daŭno ŭ nas pracuje. Jaje dačka vyrašyła zładzić mamie nievialikaje śviata. Źviazałasia sa mnoj, spytała, ci moža pryvieści na rynak vialikaha miadźviedzia. My, viadoma, byli nie suprać. A ja prosta spuściŭsia i źniaŭ, jak usio heta adbyvajecca, - raspavioŭ stvaralnik i aŭtar lehiendarnaha akaŭnta Kamaroŭskaha rynku Ivan Tkačuk. — Vydatna, što čałaviek zachavaŭ umieńnie radavacca prostym rečam i ščyra viesialicca. Nam usim hetaha nie chapaje.
