Čechija hatova dapamahčy Polščy ŭ situacyi na miažy ź Biełaruśsiu
Praha hatovaja dapamahčy Polščy va ŭrehulavańni situacyi ź nielehalnymi mihrantami na miažy ź Biełaruśsiu. Pra heta paviedamiŭ u niadzielu ŭviečary na svajoj staroncy ŭ tvitary ministr zamiežnych spraŭ Jakub Kahaniek.
«Ja razmaŭlaŭ sa svaim polskim kaleham Źbihnievam Rau. My abmierkavali žudasnuju situacyju [z-za nazapašanych biežancaŭ, jakija sprabujuć patrapić u ES] na polska-biełaruskaj miažy. Ja vykazaŭ našu [Čechii] salidarnaść z Polščaj i paćvierdziŭ našu hatoŭnaść akazać dapamohu, kali ŭźniknie nieabchodnaść», - adznačyŭ Kułhaniek.
Pavodle jaho słoŭ, u paniadziełak situacyja na polska-biełaruskaj miažy stanie pradmietam abmierkavańnia kiraŭnikoŭ źniešniepalityčnych viedamstvaŭ krain Jeŭrasajuza, a taksama krain Vyšahradskaj hrupy-rehijanalnaha abjadnańnia, u skład jakoha ŭvachodziać Čechija, Słavakija, Vienhryja i Polšča.