Barel: ES pašyryć sankcyi suprać Minska 15 listapada
Ministry zamiežnych spraŭ krain ES u paniadziełak, 15 listapada, pašyrać sankcyi suprać Biełarusi. Štrafnyja miery buduć raspaŭsiudžanyja na avijakampanii i turahienctvy, jakija, jak miarkujecca, datyčnyja da pierapraŭki mihrantaŭ da miažy Biełarusi ź ES, jak paviedamiŭ viarchoŭny pradstaŭnik ES pa źniešniaj palitycy i biaśpiecy Žaziep Barel 14 listapada, piša Deutsche Welle.
«My dadzim zialonaje śviatło pašyreńniu pravavoj bazy dla našych sankcyj suprać Biełarusi, z tym kab štrafnyja miery mahli być užytyja da luboha, chto ŭdzielničaje ŭ pieravozcy mihrantaŭ u hetuju krainu», — skazaŭ Barel u intervju francuzskamu štotydnioviku Le Journal du Dimanche.
Pa słovach kiraŭnika jeŭrapiejskaj dypłamatyi, pad sankcyi — vizavyja zabarony i zamarožvańnie majomaści — mohuć padpaści kiraŭniki avijakampanij i turystyčnych ahienctvaŭ. Pad sankcyjami mohuć apynucca i kala 30 biełaruskich čynoŭnikaŭ, mierkavana datyčnych da krytyčnaj situacyi ź mihrantami na miažy, dadaŭ Barel.
