Za subotu mihranty na biełaruska-polskaj miažy praviali dźvie sproby praryvu
Polskaja pamiežnaja varta zajaviła, što praduchiliła nielehalny praryŭ miažy pa-za punktami propusku kala Dubičaŭ Carkoŭnych i Klukavičaŭ, paviedamlaje «Radyjo Svaboda».
Polski ŭrad taksama dasłaŭ na telefony mihrantaŭ paviedamleńni z prośbaj nie vieryć čutkam. Teksty SMS rassyłajucca na anhlijskaj, arabskaj, francuzskaj, niamieckaj i polskaj movach.
«Siarod mihrantaŭ chodziać čutki, što 15 listapada ŭ ramkach arhanizavanaj akcyi ich zabrać ź miažy pryjedzie transpart ź Niamieččyny, a Polšča prapuścić. Heta poŭnaja chłuśnia i hłupstva! Polšča praciahnie achoŭvać svaju miažu ź Biełaruśsiu. Tyja, chto raspaŭsiudžvaje takija čutki, imknucca zaachvocić mihrantaŭ da šturmu miažy, što moža pryvieści da niebiaśpiečnaha raźvićcia padziej», — paviedamlaje gov.pl.