Pucin prakamientavaŭ pahrozu Łukašenki pierakryć haz u Jeŭropu i vykazaŭ nadzieju, što Mierkiel i Łukašenka pahavorać
Prezident Rasii Uładzimir Pucin vykazaŭ nadzieju, što Alaksandr Łukašenka i v. a. kanclera Hiermanii Anhieła Mierkiel u bližejšy čas praviaduć razmovu, paviedamlaje TASS.
«Ja tak zrazumieŭ, Alaksandr Ryhoravič Łukašenka i kancler Mierkiel hatovyja adzin z adnym pahavaryć. Spadziajusia, što heta ŭ bližejšy čas adbudziecca. Heta najbolš važna, tamu što mihranty imknucca pierš za ŭsio ŭ Niamieččynu», — skazaŭ Pucin.
Kamientujučy pahrozy Łukašenki pierakryć haz u Jeŭropu, Pucin skazaŭ, što nie čuŭ takoha.
«Nu ja, ščyra kažučy, pra heta pieršy raz čuju, tamu što voś ja dvojčy razmaŭlaŭ z Alaksandram Ryhoravičam za apošni čas, jon mnie ni razu pra heta nie skazaŭ, navat nie namiaknuŭ. Nu, jon moža, napeŭna. Choć ničoha dobraha ŭ hetym niama. Ja, viadoma, ź im pahavaru na hetuju temu. Kali jon nie ŭ sercach heta skazaŭ. Takaja praktyka ŭ nas užo jość, ale z Ukrainaj, u 2008 hodzie my sutyknulisia z takim kryzisam», — skazaŭ Pucin.
Pucin dadaŭ, što pierakryćcie Biełaruśsiu hazu naniesła b vialikuju škodu enierhietyčnamu siektaru Jeŭropy i «nie spryjała b raźvićciu našych adnosinaŭ ź Biełaruśsiu jak z tranzitnaj krainaj».
Łukašenka rasparadziŭsia pryvieźci mihrantam suchich droŭ i pryhraziŭ pierakryć haz u Jeŭropu. Što jašče
ES adkazaŭ na pahrozy Łukašenki pierakryć pastaŭki hazu ŭ JeŭropuJeS adkazaŭ na pahrozy Łukašenki pierakryć pastaŭki hazu ŭ Jeŭropu
