Minčuk padpalvaŭ kantejniery ad abureńnia, što ludzi nie sartujuć śmiećcie
Prakuratura nakiravała ŭ sud kryminalnuju spravu ŭ dačynieńni da 45-hadovaha žychara Minska, jakomu inkryminavana źniščeńnie čužoj majomaści ahulnaniebiaśpiečnym sposabam, paviedamlaje pres-słužba viedamstva.
Zhodna z materyjałami spravy, mužčyna padpaliŭ 15 śmiećcievych kantejnieraŭ, z-za čaho ahniom taksama byŭ paškodžany aŭtamabil kala miesca pažaru. Ahulnaja suma škody skłała 6,7 tysiačy rubloŭ.
Abvinavačany pryznaŭ vinu ŭ poŭnym abjomie. Pa načach na śmiećcievych placoŭkach jon zajmaŭsia zboram druhasnaj syraviny i butelek, a padpały kantejnieraŭ ździejśniŭ, pakolki byŭ aburany, što ludzi nie zajmalisia raździelnym zboram śmiećcia.
Zroblenaje kvalifikavali pa č. 2 art. 218 Kryminalnaha kodeksa Respubliki Biełaruś.
Abranuju ŭ dačynieńni da abvinavačanaha mieru strymańnia ŭ vyhladzie padpiski ab niavyjeździe i naležnych pavodzinach prakuror pakinuŭ bieź źmieny.
