Za nalepku z Pahoniaj na mašynie minčanku aryštavali na 10 sutak
10 listapada ŭ sudzie Savieckaha rajona Minska razhladzieli spravu 53-hadovaj minčanki Aksany Zybinaj. Spravu vioŭ sudździa Siarhiej Šaciła, paviedamlajuć pravaabaroncy.
Aksanu zatrymali 9 listapada za nalepku z Pahoniaj na bahažniku jaje aŭtamabila, jaki jana zvyčajna parkuje kala Savieckaha RUUSa. U toj dzień joj patelefanavali supracoŭniki DAI i prapanavali padyści da svajoj mašyny. Jak stała viadoma ŭ sudzie, zatrymańnie adbyłosia pa skarzie «nieabyjakavaha hramadzianina», jaki paviedamiŭ pra nalepku ŭ «infarmacyjny čat-bot 102».
Na sudzie žančyna pahadziłasia, što na mašynie była nalepka z hierbam, ale jana nie bačyć u hetym pravaparušeńnia. Pa jaje słovach, Pahoniu jana nalapiła jašče ŭ 2018 hodzie da stahodździa BNR. Jana rastłumačyła, što vielmi lubić Biełaruś i cikavicca jaje historyjaj:
«Nijakija hramadska-palityčnyja pohlady nalepkaj ja nie vykazvała, tolki luboŭ da Radzimy».
U vyniku, sudździa Šaciła pakaraŭ jaje pa art. 24.23 KaAP 10-sutačnym aryštam.
