Kreml abvinavaciŭ Polšču ŭ biezadkaznaści z-za situacyi na biełaruskaj miažy
U Kramli raskrytykavali zajavu polskaha premjera Matevuša Maravieckaha, jaki raniej uskłaŭ adkaznaść za toje, što adbyvajecca na miažy, u tym liku i na Rasiju.
«My ličym absalutna biezadkaznymi i nieprymalnymi słovy premjer-ministra Polščy ab tym, što Rasija niasie adkaznaść za hetuju situacyju. Heta absalutna biezadkaznaja i nieprymalnaja zajava», — cytuje pres-sakratara prezidenta Dźmitryja Piaskova ahienctva TASS.
Samu situacyju na biełaruska-polskaj miažy Piaskoŭ čarhovy raz nazvaŭ napružanaj. Pry hetym jon adznačyŭ, što mihranty žadajuć patrapić u krainy Zachodniaj Jeŭropy. «My pamiatajem precedenty blizkaha minułaha, kali jeŭrapiejcy kazali pra kaštoŭnaści ŭ tym, što tyčycca abarony takich ludziej, uciekačoŭ — zabieśpiačeńnie ich intaresaŭ, zychodziačy z humanitarnych mierkavańniaŭ», — skazaŭ Piaskoŭ.