Va Ukrainie źniščyli paŭmiljona doz zachodniaj vakcyny — ludzi nie chočuć pryščaplacca
U kancy kastryčnika Ministerstva achovy zdaroŭja Ukrainy ŭtylizavała 500 tysiač doz vakcyny ad karanavirusa AstraZeneca praz zakančeńnie terminu prydatnaści, paviedamlaje Liga.net.
Na 1 listapada va Ukrainie zastavałasia kala 500 tysiač doz AstraZeneca, termin prydatnaści jakich skončyŭsia 31 kastryčnika.
Ich z-za hetaha kanfiskavali z punktaŭ i centraŭ vakcynacyi.
Va Ukrainie dastupnyja jašče sotni tysiač doz vakcyny AstraZeneca, termin prydatnaści jakich zaviaršajecca praź niekalki tydniaŭ. Da hetaha času joju buduć praciahvać vakcynavać.
Ukraina — kraina z adnym z samych nizkich pracentaŭ vakcynacyi ad kavidu ŭ Jeŭropie. Niahledziačy na toje, što ŭkraincam dastupnyja samyja lepšyja zachodnija vakcyny i vakcynavacca zaraz možna biez prablem, u krainie mocnyja antyvakcynatarskija nastroi.
