Cieły zahinułych pad Irkuckam pakul što nie identyfikavanyja
Kiraŭnik departamienta pa avijacyi Ministerstva transpartu Biełarusi Arciom Sikorski paviedamiŭ, što cieły zahinułych u avijakatastrofie pad Irkuckam biełarusaŭ pakul što nie identyfikavanyja.
«Ciapier u nas niama infarmacyi, što cieły identyfikavanyja. Pavodle našaj infarmacyi, viadziecca adpaviednaja praca. Jak tolki ŭpaŭnavažanymi orhanami RF budzie pryniata rašeńnie i budzie mahčymaść zabrać cieły, my pry dapamozie našych rasijskich kaleh zabiaśpiečym dastaŭku cieł pa tych kirunkach, kudy paprosiać svajaki», — skazaŭ Sikorski ŭ piatnicu žurnalistam.
Pavodle jaho słoŭ, dla arhanizacyi dastaŭki cieł zahinułych na radzimu ŭ Irkuck vyjechaŭ pradstaŭnik biełaruskaj avijakampanii «Hrodna», jakaja ekspłuatavała An-12, što raźbiŭsia. «U pieršuju čarhu my razhladajem dastaŭku cieł našych hramadzian, členaŭ ekipaža. Z rasijskimi kalehami majem znosiny pa akazańni dapamohi ŭ dastaŭcy cieł pasažyraŭ», — dadaŭ Sikorski.
U najbližejšyja dni «čornyja skryni» buduć pieradadzienyja ŭ Maskvu dla rasšyfroŭki.