Polšča pabuduje na miažy ź Biełaruśsiu płot vyšynioj 5,5 mietra. Jak jon budzie vyhladać FOTA
Ministerstva ŭnutranych spraŭ i administracyi Polščy prezientavała prajekt płota na miažy ź Biełaruśsiu, jaki pavinien pieraškadžać sprobam niezakonnaha pierasiačeńnia miažy, paviedamlaje reform.by.
Skrynšot ź videatranślacyi
Dniami prezident krainy Andžej Duda padpisaŭ zakon ab jaho budaŭnictvie. Płot praciahłaściu 180 km budzie ŭźviedzieny na terytoryi Padlašskaha i Lublinskaha vajavodstvaŭ.
Vyšynia aharodžy składzie 5,5 mietra, u tym liku havorka idzie ab 5-mietrovym stalovym płocie i paŭmiatrovym naviesie źvierchu z kalučaha drotu. Jašče adno kolca drotu raźmieściać nižej ź biełaruskaha boku. Zaraz na miažy pamiž krainami — prosta aharodža z drotu.
Novy płot abstalujuć kabielem-detektaram, jaki dazvolić vyjaŭlać sproby łamańnia abo padkopvańnia.
Zzadu aharodžy budzie ŭstanoŭlena sistema videanazirańnia. Kamiery z datčykami ruchu buduć zdolnyja vieści nazirańnie dniom i nočču.
Miarkujecca, što budaŭnictva płota budzie skončana da siaredziny nastupnaha hoda.
