Pravaabaroncu Marfu Rabkovu abvinačvajuć u padpale padatkovaj inśpiekcyi ŭ 2017 hodzie
SK paviedamiŭ, što ŭstanoŭlenyja dva čałavieki, datyčnyja da padpału padatkovaj inśpiekcyi Homielskaha rajona ŭ 2017 hodzie. Heta 31-hadovy mužčyna i 26-hadovaja dziaŭčyna. HUBAZiK u svaim telehram-kanale ŭdakładniŭ, što dziaŭčyna — Marfa Rabkova.
USK Minska paviedamlaŭ, što ŭstanoŭlenaja datyčnaść zatrymanych raniej pa kryminalnaj spravie ab stvareńni i kiraŭnictvie złačynnaj arhanizacyjaj da padpału padatkovaj inśpiekcyi Homielskaha rajona ŭ sakaviku 2017 hoda z vykarystańniem kaktejlaŭ Mołatava.
Marfa Rabkova była zatrymanaja ŭ vieraśni 2020 hoda. Bolš za hod jana znachodzicca ŭ SIZA. Dziaŭčynie vystaŭlenaje abvinavačvańnie pa č. 3 art. 130 KK (raspalvańnie rasavaj, nacyjanalnaj, relihijnaj albo inšaj sacyjalnaj varožaści abo roźni), č. 2 art. 285 KK (stvareńnie złačynnaj arhanizacyi albo ŭdzieł u joj) i pa č. 3 art. 293 KK (navučańnie ci inšaja padrychtoŭka asob dla ŭdziełu ŭ masavych biesparadkach ci finansavańnie takoj dziejnaści). Joj pahražaje da 12 hadoŭ turmy.