Zatrymanuju ŭ Pieciarburhu 24-hadovuju biełarusku źmiaścili pad vartu ŭ SIZA
Siońnia ŭ Sankt-Pieciarburhu adbyŭsia sud ab abrańni miery strymańnia da ekstradycyi ŭ Biełaruś 24-hadovaj Jany Pinčuk. Da suda dvoje sutak jana ŭtrymlivałasia ŭ IČU Vasilevostraŭskaha rajona.
Jak raspaviała advakat Jany, pad vartaj jana budzie znachodzicca ŭ SIZA-5 u Sankt-Pieciarburhu minimum da 10 śniežnia. Zatym prakuratura budzie vyrašać jaje los i pytańnie ab ekstradycyi ŭ Biełaruś, paviedamlajuć pravaabaroncy.
Kryminalnuju spravu suprać Jany Pinčuk raspačali ŭ mai hetaha hoda praz toje, što jana «viała niejki telehram-kanał». Pakul nieviadoma, pra kankretna jaki th-kanał idzie razmova.
Pavodle papiaredniaj infarmacyi, u dačynieńni da biełaruski raspačataja sprava pa artykułach ab raspalvańni varožaści i zaklikach da dziejańniaŭ, nakiravanych na pryčynieńnie škody nacyjanalnaj biaśpiecy.
Jak vyśvietliłasia, dziaŭčynu abviaścili ŭ vyšuk na radzimie. Ceły hod jana nie jeździła ŭ Biełaruś, ale na nastupny dzień u jaje byŭ nabyty kvitok u Viciebsk, kab razabracca z kryminalnaj spravaj. Zatrymali Janu 1 listapada doma ŭ jaje maładoha čałavieka, jaki źjaŭlajecca hramadzianinam Rasii.
