Karahody kala Pałaca sportu i son la vohnišča. Pahladzieli, što mihranty pościać ź Biełarusi
U apošni čas u siecivie stali časta źjaŭlacca fatahrafii i videa mihrantaŭ, jakija zatrymalisia na miažy ŭ Biełarusi. Voś užo niekalki miesiacaŭ jany śpiać u biełaruskich lasach i kala handlova-zabaŭlalnych centraŭ. «Naša Niva» znajšła niekatorych z ich u sacyjalnych sietkach i pahladzieła, što jany pościać.
Bolš za ŭsio videa ŭdałosia znajści ŭ sacyjalnaj sietcy TikTok. Ich zdymajuć sami mihranty i staviać cheštehi «Biełaruś», «mihranty», «miaža», «Polšča» i nakładvajuć muzyku.
Časta jany zdymajuć svoj pobyt: jak jany śpiać na ziamli, razvodziać vohnišča, sušać abutak. Taksama na videa źjaŭlajecca aharodža z kalučaha drotu i pahraničniki.
Poland's borders
Tyja, chto nie dabraŭsia jašče da miažy, aktyŭna pościać videa z centra horada i ŭ taksi.
Naprykład, na hetym videa z «Halerei» mihranty stali ŭ kruh i aktyŭna tančać. Da ich navat dałučyŭsia niechta ź biełarusaŭ.
Taksama tančać uviečary, vodziać karahod vakoł vohnišča i śpiavajuć u lesie na miažy.
Redka, ale źjaŭlajucca videa pierakusaŭ. Na adnym ź ich bačna, što mihranty śniedajuć płaŭlenym syram i batonam. Zastajecca zdahadvacca, ci jość u ich jašče što-niebudź z praduktaŭ akramia hetaha.
Dzie-nidzie źjaŭlajucca videa, jak ludzi (časam ź dziećmi) u daždžavikach, humavych botach chodziać pa palach i lasach. U niekatorych biežancaŭ abutak uvieś u brudzie.
Traplajecca kantent ź lehkavych mikraaŭtobusaŭ, na jakich mihrantaŭ viazuć da miažy. Ludzi lažać u bahažnym adździaleńni.
***
Mihracyjny kryzis na miažy Biełarusi ź Litvoj, Łatvijaj i Polščaj pačaŭsia ŭ kancy viasny. Jeŭrapiejskija krainy pryniali rašeńnie nie ŭpuskać nielehalnych mihrantaŭ na svaju terytoryju, abvinavaciŭšy Łukašenku ŭ arhanizacyi «hibrydnaj vajny».
Pamiežniki stali adpraŭlać biežancaŭ nazad u Biełaruś. Biełaruski bok vinavacić ułady Litvy i Polščy ŭ žorstkim staŭleńni da biežancaŭ. Dla mnohich mihrantaŭ Litva i Polšča — tranzitnyja šlachi. Ich kančatkovaja meta — Francyja i Hiermanija.
Čytajcie taksama:
Biełaruski maršrut: jak mihranty ź Iraka traplajuć praź Minsk u ES
