U ZŠA buduć vakcynavać ad kavidu dziaciej z 5 hadoŭ
Miarkujecca, što vakcynacyja dziaciej źnizić pieradaču COVID-19 u ZŠA na 8 pracentaŭ ź listapada pa sakavik 2022 hoda.
Centry pa kantroli i prafiłaktycy zachvorvańniaŭ (CDC) ZŠA aficyjna ŭchvalili prymianieńnie vakcyny ad karanavirusa vytvorčaści Pfizer-BioNTech dla dziaciej va ŭzroście ad 5 da 11 hadoŭ, paviedamlajecca na sajcie Fiederalnaha ahienctva Ministerstva achovy zdaroŭja Złučanych Štataŭ.
Dyrektar CDC Rašel Valenski padpisała rekamiendacyju Kansultatyŭnaha kamiteta CDC pa imunizacyi (AGIP) ab vakcynacyi dziaciej va ŭzroście ad 5 da 11 hadoŭ ad COVID-19 z dapamohaj dziciačaj vakcyny Pfizer-BioNTech, piša Deutsche Welle.
Vakcyna budzie ŭvodzicca ŭ dvuch dozach pa 10 mkh, što składaje tracinu ad kolkaści vakcyny, jakaja atrymlivajecca ludźmi ad 12 hadoŭ. Dozy buduć raźmierkavany ź intervałam u try tydni. Pastaŭlacca jany buduć u roznych upakoŭkach i ŭvodzicca z dapamohaj śpiecyjalnych dziciačych ihołak.
Pavodle infarmacyi rehulatara, 1,9 młn dziaciej va ŭzroście ad 5 da 11 hadoŭ byli zaražanyja COVID-19. Jak adznačajecca na sajcie CDC, rašeńnie pravodzić vakcynacyju dziaciej abumoŭlena tym, što vakcyna prademanstravała 90,7 pracenta efiektyŭnaści prafiłaktyki zachvorvańnia siarod dziaciej dadzienaj uzrostavaj hrupy.
