Načalnica vytvorčaści na miasakambinacie brała chabar. Zatrymanaja razam z mužam-pasiarednikam
U Barysavie apieratyŭniki ABEZ vyjavili karupcyjnuju schiemu na miasapierapracoŭčym pradpryjemstvie. 39-hadovaja načalnica vytvorčaści i jaje 42-hadovy muž padbuchtorvali kamiersantaŭ da chabaraŭ.
Milicyja paviedamlaje, što niezakonnaje ŭznaharodžańnie pastupali za stanoŭčaje vyrašeńnie pytańnia pa pastaŭcy miasnoj pradukcyi na ich adras.
Naprykład, za kiłahram jałavičyny para atrymlivała dadatkova najaŭnymi ad 5 da 10 kapiejek. Suma zaležała ad abjomu tavaru.
Pavodle infarmacyi ABEZ Barysaŭskaha RAUS, ahulnaja suma chabaraŭ skłała nie mienš za 12 tysiač rubloŭ. Hrošy zaŭsiody zabiraŭ mužčyna ŭ zahadzia abumoŭlenych miescach u Barysavie i Žodzinie.
Raspačata kryminalnaja sprava za atrymańnie chabaru, ździejśnienaje hrupaj asob pa papiaredniaj zmovie. Doma ŭ fihurantaŭ padčas pieratrusu vyjaŭlena i kanfiskavana amal 8 tys. dalaraŭ.