Mask staŭ pieršym čałaviekam u śviecie z bahaćciem bolš za $300 młrd
Bahaćcie zasnavalnika kampanii SpaceX i suzasnavalnika Tesla Iłana Maska pieravysiła $300 młrd, heta zdaryłasia ŭpieršyniu za ŭsiu historyju rejtynhaŭ.
Źviestki ab bahaćci Maska pryvodzić rejtynh Forbes, što abnaŭlajecca ŭ režymie realnaha času. Bahaćcie Maska akazałasia na ŭzroŭni $308,5 młrd.
Rost bahaćcia Maska pačaŭsia na fonie padaražeńnia akcyj Tesla na biržy NASDAQ.
Iłan Mask źjaŭlajecca najbahaciejšym čałaviekam płaniety ŭžo amal tydzień. Padniacca na pieršy radok, vycisnuŭšy zasnavalnika Amazon Džefa Biezasa, jon zmoh taksama dziakujučy rostu akcyj Tesla.
Rynkavaja kapitalizacyja Tesla ŭpieršyniu ŭ historyi dasiahnuła $1 trłn. Hetamu spryjała toje, što kampanija Maska atrymała najbujniejšy zakaz na elektramabili ad servisu arendy Hertz (na 100 tysiač adzinak).
