Bieniedykt Kambierbetč syhraje Alaksandra Litvinienku ŭ sieryjale HBO
Bieniedykt Kambierbetč vykanaje hałoŭnuju rolu ŭ mini-sieryjale «Łondanhrad» (Londongrad), jaki raspracoŭvajecca na kanale HBO.
ANADOLU AGENCY VIA GETTY IMAGES
Sieryjał zasnavany na knizie Ałana Koŭeła «Apošni špijon», jakaja apaviadaje historyju Alaksandra Litvinienki, atručanaha ŭ 2006 hodzie ŭ Brytanii radyjeaktyŭnym izatopam pałoniju-210.
Kambierbetč syhraje Litvinienku, a taksama vystupić vykanaŭčym pradziusaram. Šoŭranieram staŭ Devid Skarpa («Čałaviek u vysokim zamku»).
Bieniedykt Kambierbetč užo ŭdzielničaŭ u niekalkich znakavych teleprajektach: jon syhraŭ u sieryjale «Šerłak» ad Bi-bi-si, mini-sieryjale «Patryk Mełroŭz» ad Showtime, zasnavanym na cykle aŭtabijahrafičnych ramanaŭ Edvarda Sent-Obina, doktara Strendža ŭ kinasuśviecie Marvel.
Kambierbetč byŭ naminavany na «Oskar» za rolu ŭ dramie «Hulnia ŭ imitacyju», dzie jon syhraŭ hienijanalnaha matematyka Ałana Cjurynha, abvinačanaha ŭ pačatku 1950-ch u homaseksualiźmie.
«Ja ŭziaŭ kamieru i apynuŭsia pad ścienami Akreścina». Režysior Andrej Kuciła źniaŭ novy film pra biełarusaŭ, dzie kožny znojdzie siabie
