Minenierha śćviardžaje, što BiełAES z momantu ŭklučeńnia dapamahła zamiaścić 1,2 młrd kubamietraŭ pryrodnaha hazu
Pieršy enierhabłok BiełAES z momantu ŭklučeńnia ŭ abjadnanuju enierhasistemu 3 listapada minułaha hoda vypracavaŭ 4,3 młrd kVt⋅h elektraenierhii i takim čynam dazvoliŭ zamiaścić 1,2 młrd kub.m pryrodnaha hazu, śćviardžaje Minenierha.
Ciapier elektraenierhija ź biełaruskaj atamnaj elektrastancyi pastupaje va ŭsie rehijony krainy.
Pa słovach ministra enierhietyki Viktara Karankieviča, dla hetych metaŭ było pabudavana kala 1,6 tys. km vysakavoltnych elektrasietak, madernizavany čatyry sistemaŭtvaralnyja elektryčnyja padstancyi, uviedzieny ŭ ekspłuatacyju vysokatechnałahičnaja padstancyja i elektrakatły. Praciahvajucca raboty pa budaŭnictvie pikava-reziervovych krynic sumarnaj mahutnaściu 800 MVt, jakija zabiaśpiečać nadziejnaść enierhasistemy z ulikam roznych režymaŭ pracy atamnaj stancyi.
Druhi błok BiełAES hatovy na 90%, jaho płanujecca ŭvieści ŭ pramysłovuju ekspłuatacyju ŭ nastupnym hodzie. Tady abjom vytvorčaści elektryčnaści na stancyi pavinien skłaści kala 18,5 młrd kVt⋅h u hod, što dazvolić rehularna zamiaščać kala 4,5 młrd kub.m hazu.